Nola ordaindu nire fakturak - Curenergía Comercializador de Último Recurso

Maiz galderak

1. Zein dira nire fakturak ordain ditzakedan banku edo finantza-erakunde laguntzaileak?

   Erosotasunagatik, fakturen ordainketa zure betiko bankuan edo kutxan helbideratzea gomendatzen dizugu, baina finantza-erakunde hauetara ere joan zaitezke, Iberdrolak akordioak baititu zure fakturak ordaindu ahal izateko:

   • Banco Cooperativo
   • Banco Popular
   • Banco Santander
   • Bankia
   • BBVAren kutxazain-sarea
   • Caja Duero
   • CCM
   • Caja España
   • CajaMar
   • Caja Ontinyet
   • Cajas Rurales
   • Caja 3
   • Kutxabank
   • Laboral Kutxa
   • La Caixaren kutxazain-sarea
   • Liberbank
   • Mare Nostrum

2. Zer da IBAN?

   IBAN banku-kontuen nazioarteko identifikazio-zenbakia da. Espainian, 24 karakterez osatuta dago eta karaktereak honela antolatzen dira:

   • Lehen bi karaktereek kontuaren herrialdea identifikatzen dute. Espainiaren kasuan, ES.
   • Hurrengo bi karaktereak kontrol-digituak dira eta IBAN balioztatzeko balio dute.
   • Gainerako hogei digituak Bezeroaren kontu-kodearenak dira. Digitu horiek finantza erakundea (4 digitu), kontuaren bulegoa (4 digitu), kontrol-digituak (2 digitu) eta kontuaren zenbakia (10 digitu) identifikatzen dituzte.

3. Zer da mandatua?

   Mandatua helbideratze-aginduaren balio bera duen dokumentua da. Dokumentu horren bidez, kontuaren titularrak (ordaintzaileak) baimena ematen dio Iberdrolari adierazitako kontuan kobratzen hasteko eta bankuari, berriz, agindu horiek betetzeko, hau da, ordainketa horiek ordaintzeko.

   Ordaintzailea zorduntzeko kontuaren titularra da, bezeroa beste norbait bada ere, eta beharrezkoak dira bere datuak eta sinadura, helbideratzea baliozkoa izateko.

4. Zer da SEPA?

   SEPA Single Euro Paymnet Area (Eurotan Ordaintzeko Eremu Bakarra) esaldiaren siglak dira. Herritarrek, enpresek eta beste ekonomia-eragile batzuek Europan ordainketak eurotan egin eta jaso ditzaketen eremua da, nazio mugen barruan edo haietatik kanpo, baldintza beretan eta eskubide eta obligazio berekin, edonon daudela ere.

   SEPA eremua osatzen dute Europar Batasuneko 27 estatu-kideek, Islandiak, Liechtensteinek, Norvegiak, Suitzak eta Monakok.

5. Noiz sartuko da indarrean SEPA?

   SEPA 2014ko otsailaren 1ean sartu zen indarrean, 260/2012 araudiaren (EB) arabera.

6. Zein abantaila ditu lineako ordainketa-zerbitzuak?

   Hauek dira abantaila nagusiak:

   • Erosotasuna: zerbitzua erabilgarri dago eguneko 24 orduetan eta urteko 365 egunetan, eta Interneterako konexioa duen edozein gailutatik erabili ahal izango duzu.
   • Segurtasuna: lineako ordainketak erabat seguru egiten dira.
   • Doakoa da: doako zerbitzua da.
   • Bizkortasuna: unean bertan jasoko duzu ordainketaren berrespena.

7. Nola jakin dezaket txartel bidezko ordainketa behar bezala egin dela?

   Ordainketa egiten duzun unean, pantailan ikusiko duzu eragiketaren emaitza:

   • Behar bezala onartu bada, hau da, txartelean zordundu bada eta Iberdrolaren kontuan ordaindu bada.
   • Prozesuan arazo bat detektatu delako baztertu bada (saldoa falta delako, txartela blokeatu delako...).

   Gainera, zure helbide elektronikoa badugu, ordainketa egin dela eta faktura ordainduta dagoela berretsiko dizugu.

8. Bada ordainagiririk txartelarekin linean ordaintzen denean?

   Bai. Linean ordainketa egin baino lehen zure helbide elektronikoa ematen badiguzu, Iberdrolaren kontuan ordainketa jaso dela berretsiko dizugu. Gainera, ordainagiria inprimatu ahal izango duzu, ordainketa egin eta berehala.

9. Segurua al da lineako ordainketa-zerbitzua?

   Bai. Iberdrolan TPV sistema birtual bat erabiltzen dugu, zure datuak erabat babestuta egon daitezen.

   TPV birtuala linean ordainketak egiten uzten duen ordainketa-pasarela da. Modu horretan egiten diren transakzio guztiek segurtasun-, konfidentzialtasun- eta integritate-berme osoa ematen die txartelen titularrei.

10. Txartel bidezko ordainketa-zerbitzuak ba al du kostu osagarririk?

    Ez, Iberdrolak zure eskura jartzen duen doako zerbitzua da eta ez du inolako kostu osagarririk zuretzat.